پريم پتافي
پريم پتافي
پريم پتافي: نوجوان شاعر پريم پتافيءَ جو اصل نالو عبدالرزاق ولد محمد يوسف ضلعي گهوٽڪيءَ ۾ 5 مئي 1969ع تي جنم وتو. هن پرائمري تعليم ڳوٺ جي اسڪول مان حاصل ڪئي، جڏهن ته مئٽرڪ 1985ع ۾ گورنمينٽ هاءِ اسڪول ميرپور ماٿيلو مان ڪيائين. 1989ع کان ضلعي گهوٽڪيءَ جي مختلف پرائمري اسڪولن ۾ استاد طور خدمتون سرانجام ڏيندو رهيو. پريم پتافي جو ڏاڏو مولانا عبدالرحمان ”صنيائي“ ۽ پڙ ڏاڏو مولانا بهاؤ الدين
”صنيائي“ پنهنجي دور جا فارسي ۽ سنڌيءَ جا قادر الڪلام شاعر ٿي گذريا آهن. شايد خانداني ورثي پريم پتافيءَ کي به ڇڪ ڪئي ۽ هن 1992ع کان شاعري ڪرڻ شروع ڪئي، سندس شاعري ۽ ادبي مضمون سنڌ جي اڪثر ادبي رسالن، ٽماهي مهراڻ، سوجهري، ساڃاهه، امرتا، پرک، نئين زندگي وغيره ۾ ڇپبي رهي ٿي، سندس شاعريءَ جو پهريون مجموعو ”روشنيءَ جون اکيون“، رم جهم پبليڪيشن پاران 2010ع ۾ ڇپجي پڌرو ٿيو، جنهن جي ارپنا هن جديد سنڌي شاعريءَ جي ٽمورتي شيخ اياز، استاد بخاري ۽ امداد حسينيءَ جي نالي ڪئي آهي. سندس شاعريءَ تي هند ۾ غزل جي وڏي نالي واسديو موهيءَ جي مهاڳ کانسواءِ آثم ناٿن شاهي، اياز گل، بيخود بلوچ، مفتون ڪورائي، جميل سومري ۽ شهنيلا علي جا تاثر پڻ لکيل آهن. سندس ڪتاب ”منهنجو ادبي سفر“ ۾ هن پنهنجي شاعريءَ جو پسمنظر پڻ بيان ڪيو آهي.
لفظ پريم پتافيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1969.05.05 عيسوي
نوجوان شاعر پريم پتافيءَ جو اصل نالو عبدالرزاق ولد محمد يوسف ضلعي گهوٽڪيءَ ۾ 5 مئي 1969ع تي جنم وتو.
شاعر - ڀاڱي جون ٻِيون داخلائون
اوڌوداساياز رضوي
بهرام فقير جتوئي
حسين شاهه شرف
محمد عارف شڪارپوري
پير آقا محمد اسماعيل جان مولانا
سيد رحمت الله بکري
الهورايو اُداسي بهڻ
حاجي محمد اسحاق هالائي
چيتن ديوڪي ورما يمراج